PRODUCT DETAILS

సృష్టి ప్రారంభం నుండి పృథ్వి మీద పోరాటాలు జరుగుతూనే వున్నాయి. నిరు పేదల పోరాటం బ్రతికి బట్ట కట్టడం కోసం. ధనవంతుల పోరాటం మరింత ధనాధికారాల కోసం. వీటన్నిటిని మించి అనాదిగా జరుగుతున్న పోరాటం ఒకటుంది . . . . స్త్రీ వర్సస్ పురుషుడు !
స్త్రీ కంటే తనది ఉత్కృష్టమైన జననం అని పురుషుడి ఆలోచన. పురుషుడి కంటే తనది ఉత్తమమైన పుట్టుక అని స్త్రీ భావన. వీరిరువురి ఈ మౌలిక సంఘర్షణలో విజయం ఏ ఒక్కరికి కాదు లభ్యం. పరాజయం మాత్రం ఇరువురికి తధ్యం.
నిజానికి రాత్రి పగలు వలె, నాణెము యొక్క ఇరు పక్కల వలె, స్త్రీ పురుషులలో ఒకరు లేనిదే మరొకరి అస్తిత్వం అసంభవం, మనుగడ దుర్భరం. ఒకరు గానమైతే మరొకరు ఆ గానంలోని స్వరం. ఒకరు స్వప్నమైతే మరొకరు ఆ స్వప్నాన్ని కలుగజేసే మైకం. ఈ పరమ సత్యాన్ని గ్రహించి పరస్పర ప్రేమకు లోనయ్యే దంపతులు అదృష్టవంతులు. గ్రహించక ఘర్షణ పడే దంపతులు శాపగ్రస్తులు.
ఆనంద్ అవంతీల ప్రేమగాధలో ఎందుకో ఘర్షణ ఏర్పడింది. వారు శాపగ్రస్తులుగా మిగిలిపోతారా? లేక అదృష్టవంతులవుతారా? . . . . "ఆనంద్ వర్సస్ ఆనంద్" ఈ రహస్యం బయట పెడుతుంది.

AUTHOR INFORMATION

వృత్తి రీత్యా జివిత కాల అనుభవం గల ఇంజినియర్. అభిరుచి రీత్యా సంగీతం సాహిత్యం పట్ల ఆసక్తి గలవాడు. రెండు ఇంగ్లీషు నవల రచయిత. ఇంగ్లీషులో ప్రధమంగా వ్రాసిన నవల యొక్క అనువాదమే ఈ తొలి తెలుగు నవల. ఇంగ్లీషులో, తెలుగులో ఇంకెన్నో నవలలు వ్రాయాలనే అభిలాషతో సుకుమార్ మండలీక తన సతీమణి పద్మావతితో మద్రాసులో నివసిస్తారు.